مشاكل الحب على النت

انا مسلمه وبحب واحد مسيحي عرفنا بعض من ع النت وبعدين اتطورت علاقتنا للموبايل كنا مجرد اصدقاء وخاصه بعد ما عرفت انه مسيحي بس غصب عني وعنه مابقيناش قادرين نبعد عن بعض واتقابلنا مرتين وكنا بنتعامل ذي اتنين متجوزين طبعا مع الحفاظ علي اني بنت ودلوقتي مع احساسنا ان الحب ده بيكبر مش بيقل هو قالي اننا لازم نبعد وده عشان مصلحتي لاني لسه صغيره والعمر قدامي واكيد بيتقدملي ناس وكده وقالي ان مسيري هتجوز اللي من ديني لكن هو اصلا كان متجوز ومنفصل عن زوجته دي من سنتين ومانعاه حتي انه يشوف ابنه ومكنش يعرف اصلا انه عنده ابن يعني هو خلاص مش هيتجوز تاني بس قال اننا لازم نبعد عشاني بس انا فعلا مش قادره اعيش من غيره وعارفه اني غلط انا لاول مره بحب ولاول مره اديت حد اللي اديتهوله وعارفه انه كمان بيحبني يمكن اكتر ما بحبه وانه تعبان من غيري مش عارفه اعمل ايه بجد تعبانه اوي ومخنوقه وحياتي اتلخبطت ساعات مش ببقي مصدقه اني عملت كده بس هو ده الواقع عمرنا ما اتكلمنا في موضوع الدين ده بس انا حسيت من كلامه من فتره كان مخنوق انه كان عايز يسيب المسيحيه بس اكيد اهله والدنيا كلها وقفت قدامه كمان انا مش ارضي له الضرر مش عارفه اعمل ايه